इटहरी । इटहरीमा मोटरसाइकल अनियन्त्रित भइ दुर्घटना हुँदा मोटरसाइकल चलाउने युवाको मृत्यु भएको छ । आइतबार दिउँसो ३ बजेतिर इटहरी १३ खनारस्थित कोशी राजमार्गको सडकमा भएको दुर्घटनामा इटहरी १ बस्ने ३६ वर्षीय इकार गौतमको मृत्यु भएको हो ।
खनारस्थित गणेश मन्दिर नजिकै विराटनगरबाट इटहरीतर्फ आउँदै गरेका गौतमले चलाएको को २९ प २४२ नम्बरको मोटराइकल अनियन्त्रित भइ दुर्घटना भएको हो ।
दुर्घटनामा गम्भीर घाइते भएका गौतमको उपचारका क्रममा विराटनगरस्थित कोशी अस्पतालमा मृत्यु भएको इलाका प्रहरी कार्यालय इटहरीले जानकारी दिएको छ । तीव्र गतिका कारण मोटरसाइकल दुर्घटना भएको प्रहरीको भनाइ छ ।