मोरङ । मोरङको कटहरी गाउँपालिकामा ट्रकले मोटरसाइकललाई ठक्करदिंदा एकजनाको घटनास्थलमै ज्यान गएको छ । विराटनगर रंगेली सडकखण्ड अन्तरगत कटहरी गाउँपालिका क्षेत्रमा पश्चिमतर्फबाट पूर्व जाँदै गरेको ट्रकले पछाडिबाट मोटरसाईकललाई ठक्कर दिंदा हुलाकका कर्मचारी चन्द्रमणी अधिकारीको ज्यान गएको हो ।
प्रदेश १–०५–००१ ख ००७७ नम्बरको ट्रकले को १३ प ३० नम्बरको कालोपल्सर मोटरसाइकललाई पछाडिबाट ठक्कर दिंदा अधिकारीको घटनास्थलमै ज्यान गएको जिल्ला ट्राफिक प्रहरी कार्यालय मोरङले जनाएको छ । मृतकको विस्तृत विवरण खुल्न बाँकी रहेको छ ।